२०७१ माघ ८ गते, बिहीबार

काठमाडौ, ८ माघ । गृह मन्त्रालयलले उपत्यकामा उच्च सुरक्षा सतर्कता अपनाउन सुरक्षा निकायलाई निर्देशन दिएको छ।
राजनीतिक दलहरूबीच बढेको तिक्तता र असहमतिले निम्त्याउन सक्ने सम्भावित खतरा ध्यानमा राखेर मन्त्रालयले संविधानसभा भवन, मन्त्रीहरू, सभासद्, विभिन्न देशका राजदूतलगायत उच्च अधिकारीहरूको सुरक्षामा थप सतर्कता अपनाउन सुरक्षा निकायलाई दिर्नेशन दिएको हो। गृह मन्त्रालयका प्रवक्ता लक्ष्मीप्रसाद ढकालले उपत्यकाको सुरक्षा अवस्थामा उच्च सतर्कता अपनाइएको बताए।
प्रहरीले राष्ट्रपति कार्यालय, उपराष्ट्रपतिको निवास, सभामुख, सभासद् र विभिन्न मुलुकका राजदूतहरूको निवासमा सुरक्षा निगरानी बढाएको छ। अस्थिर राजनीतिको फाइदा उठाउँदै कुनै आपराधिक समूहले गर्नसक्ने क्रियाकलापप्रतिसमेत प्रहरीले निगरानी बढाएको छ।
पछिल्लो समयमा काठमाडौंमा साना हतियारसहित पक्राउ परेका विभिन्न व्यक्तिहरूमाथि प्रहरीले अनुसन्धान गरिरहेको छ। प्रहरीले थानकोट नाकामा पनि सुरक्षा व्यवस्था कडा बनाएको छ।