२०७२ बैशाख २७ गते, आईतवार

काठमाडौं । काठमाडौ उपत्यका विकाश प्राधिकरणले क्षति भएको घर वरिपरिको स्थान र पूर्ण संरचना देखिने गरी घरको फोटोहरु खिचेर मात्रै घर भत्काउन आग्रह गरेको छ ।प्राधिकरणका विकास आयुक्तहरुको संयोजकत्वमा गृह, संघीय मामिला तथा स्थानीय विकास, भौतिक पूर्वाधार र सहरी विकास मन्त्रालयका प्रतिनिधि रहेको समितिको बैठकले यस्तो जानकारी दिएर घर भत्काउन आहृवान गरेको हो ।
भूकम्पले क्षति पुर्‍याएको निजी घर भत्काउनुअघि फोटोसहित घरधनी वा अन्य सरोकारवालाको नाम, ठेगाना र सम्पर्क नम्बर, घरको अञ्दाजी क्षेत्रफल र उचाइ तथा घरको बनावट उल्लेख गरी वडा कार्यालयमा दर्ता गराउन प्राधिकरणले आग्रह गरेको छ ।
भत्काउनुपर्ने घरहरुले आफ्नो परिवार लगायत अन्य सरोकारवालाहरुलाई कुनै पनि क्षति नहुने गरी सुरक्षित तवरले भत्काउन पनि प्राधिकरण आग्रह गरेको छ ।घर भत्काइसकेपछि पाइने राहतका लागि प्रमाण नमेटियोस् भने प्राधीकरणले घरको फोटो खिचेर मात्रै भत्काउन भूकम्प पीडितलाई आग्रह गरेको हो ।