२०७२ मंसिर २० गते, आईतवार

काठमाडौ, २० मंसिर। नेपाल आयल निगमले भोलिबाट निजी सवारीसाधनलाई इन्धन बिक्री गर्ने जनाएको छ । तिहारपछाडिबाट एकपटक पनि इन्धन नपाएका निजी सवारी साधनलाई व्यवस्थित तवरले इन्धन बिक्री गर्न लागिएको निगमको दाबी छ । निगमका थानकोट डिपो प्रमुख रविन शर्माले भोलिबाट मोटरसाइकल, जिप, कारलाई दिन नै तोकेर इन्धन बिक्री गर्न लागिएको जानकारी दिए । पहिलो चार दिन राजधानीका विभिन्न पेट्रोल पम्पबाट मोटरसाइकललाई इन्धन बिक्री गरिनेछ भने त्यसपछिको अर्को चार दिन कार, जिपलाई दिइनेछ । त्यसपछि तालिका बनाएर आलोपालो प्रणालीका आधारमा निरन्तर निजी सवारी साधनलाई इन्धन बिक्री गरिनेछ ।