२०७२ चैत्र २५ गते, बिहीबार

काठमाडौं, २५ चैत । आज चैत्र कृष्ण औंशी अर्थात घोडे जात्रा । काठमाडौ उपत्यकामा यो पर्व मनाईदैछ । उपत्यकाका नेवार समुदायले यस दिनलाई पिशाच चतुर्दशीका रुपमा भोजभतेर गरेर मनाउने गर्दछन् । घोडे जात्राको अवसरमा नेपाली सेनाले टुंडिखेलमा विशेष कार्यक्रम गर्दैछ । यस क्रममा नेपाली सेनाले शारीरिक व्यायाम, जिम्नाष्टिक, अश्वकला, मोटरसाईकल खेल र युद्धकलाको प्रदर्शन गर्ने गर्दछ ।
ललितपुरमा पनि एउटा कानो घोडा दौडाएर घोडे जात्रा मनाउने गरिन्छ । प्राचीनकालमा गुरुमापा नामक राक्षसले बालबालिका खाएर दुःख दिएपछि तान्त्रिकको सल्लाहमा स्थानीय बासिन्दाले उक्त राक्षसलाई समातेर टुँडिखेलको बीचमा लगेर गाडेको र त्यस राक्षसको शक्ति क्षीण गर्न शक्तिको प्रतीक घोडालाई दौडाउने गरिएको किंवदन्ती छ ।