२०७३ जेष्ठ ७ गते, शुक्रबार

काठमाडौं, ७ जेठ । नेपाल विद्युत प्राधिकरणले लोडसेडिङ घटाएको छ । लोडसेडिङ सातामा ७ घण्टा घटाइएको हो । सातामा ७७ घण्टा लोडसेडिङ हुँदै आएकोमा अब ७० घण्टामात्र लोडसेडिङ हुनेछ । नयाँ तालिका आजखि नै लागू गरिएको प्राधिकरणले जनाएको छ । प्राधिकरणका अनुसार अब सातामा दुई दिन नौ घण्टा, दुई दिन १० घण्टा, दुई दिन साढे १० घण्टा र एक दिन ११ घण्टा लोडसेडिङ गरिने छ । नदीहरुमा जलस्तर बढ्ने क्रम रहेको भन्दै प्राधिकरणले साविकको लोडसेडिङ तालिकामा हेरफेर गरी केही राहत दिइएको जनाएको छ ।