महिला संघको महाधिवेशन सुरु हुदै
२०७३ भाद्र २९ गते, बुधबार
काठमाडौ, २९ भदौ । महिला सशक्तिकरणका चार ‘स’ समान सहभागिता, शान्ति, समृद्धि र संवैधानिक विकास भन्ने मूल नाराका साथ नेपाली कांग्रेसको भातृ संगठन नेपाल महिला संघको तेस्रो महाधिवेशन आजदेखि सुरु हुँदैछ । महाधिवेशन ३१ गतेसम्म चल्नेछ । महाधिवेशन २०६२ सालपछि यो पटक हुन लागेको हो ।
महाधिवेशनको उद्घाटन पार्टी सभापति शेरबहादुर देउवाले मध्यान्ह गर्नुहुनेछ । महाधिवेशनको आज उदटन, भोलि भृकुटीमण्डपमै बन्दसत्र र पर्सी ३१ गते राष्ट्रिय सभा गृहमा मतदान गरी नयाँ नेतृत्व चयन गर्ने तालिका छ ।
निर्वाचनबाट ६५ सदस्यीय कार्यसमिति चयन हुनेछ । संघको अध्यक्षका लागि ३ पक्षबाटै आकांक्षीहरु देखिएका छन् । सभापति शेरबहादुर देउवा पक्षबाट उमा रेग्मी, वरिष्ठ नेता रामचन्द्र पौडेलबाट मीना पाण्डे र अर्का नेता कृष्णप्रसाद सिटौला पक्षबाट धना खतिवडालाई उठाउने तयारी गरेको जनाइएको छ ।
