२०७३ भाद्र ३१ गते, शुक्रबार

काठमाडौ, ३१ भदौ । युवा तथा खेलकुदमन्त्री दलजित श्रीपाइलीसहित खेल पदाधिकारी, कर्मचारी, खेलाडीलगायतले आज विहानै दशरथ रंगशालाको सरसफाई गरेका छन् । अन्तराष्ट्रिय स्तरको रंगशालाको अवस्था अत्यन्तै फोहोर र संरचना अति कमजोर देखिएको खबर सार्वजनिक भएपछि खेलकुदमन्त्री श्रीपाइलीकै नेतृत्वमा सरसफाई गरिएको हो । भुकम्पपछि रंगाशाला मर्मत गर्नुपर्ने भन्दै राष्ट्रिय खेलकुद परिषद्ले बेवास्ता गर्दै आएको छ । रंगाशालामा प्याराफिट भरी झार उम्रिएको थियो भने मैदान र ट्रयाकमा पानीका बोतल र फोहोर देखिन्थ्यो । यस्तो अवस्थामा सुधार ल्याउन पहल आफैंले गर्नुपर्ने भन्दै रंगाशालाको सरसफाईमा आफु सहभागी भएको मन्त्री श्रीपाइलीले बताए । उनले देशको गरिमा र पहिचानसँग जोडिएको रंगशालालाई दुरवस्थामा पु-याउने र कतिपय भौतिक संरचना चोरी गर्नेलाई कारबाही गरिने प्रतिबद्धता जनाएका छन ।