२०७३ आश्विन ५ गते, बुधबार

काठमाडौ, ५ असोज । आज सेप्टेम्बर २१, अन्तर्राष्ट्रिय शान्ति दिवस । दीगो शान्तिःराष्ट्र विकासको आधार भन्ने नारासहित नेपालमा पनि विभिन्न कार्यक्रम गरी मनाईंदैछ । दिवसको अवसरमा अहिले केहीबेरमा हुने कार्यक्रममा प्रधानमन्त्री पुष्पकमल दाहाल प्रचण्ड पनि सहभागी हुने बताईएको छ । संयुक्त राष्ट्र संघको आह्वानमा सन् २००० देखि सेप्टेम्बर २१ का दिन शान्ति दिवस मनाउन लागिएको हो । दिवसको अवसर पारेर महिला मानवअधिकार रक्षकहरुको राष्ट्रिय संजालले काठमाडौंमा दुईदिने कार्यक्रमको आयोजना गर्न लागेको बताएको छ ।