२०७५ माघ १ गते, मंगलवार

काठमाडां, १ माघ । अख्तियार दुरुपयोग अनुसन्धान आयोगको कार्यालय टंगालबाट खटिएको टोलीले कम्पनी रजिस्टार कार्यालय त्रिपुरेश्वरकी सहायक रजिस्टार गीता पन्थीलाई १ लाख घुससहित नियन्त्रणमा लिएको छ । रजिस्टारको कार्यालयमा दर्ता रहेको विद्यालयको कर तिन जाँदा राजश्व रकम कम गरिदिने भन्दै सेवाग्राहीसँग घुस मागेको सूचनाका आधारमा अख्तियारको टोलीले पन्थीलाई पक्राउ गरेको हो । पन्थीले सेवाग्राहीसँग घुस लिएर छोरी पोषण पन्थीलाई राख्न दिएको अवस्थामा काठमाडौँ १४ स्थित एनएमबी बैंकको पार्किङबाट दुवै जनालाई पक्राउ गरिएको अख्तियार दुरुपयोग अनुसन्धान आयोगका प्रवक्ता रामेश्वर दंगालले जानकारी दिए । पक्राउ परेका दुवैजनालाई हिरासतमा लिइ आवश्यक अनुसन्धान अगाडि बढाइएको अख्तियारले जनाएको छ ।