कोरोना संक्रमितको संख्या ४८ पुग्यो
२०७७ बैशाख १२ गते, शुक्रबार
काठमाडौँ , १२ बैशाख । पुनः कोभिड–१९ को परीक्षणका क्रममा भोजपुरका २६ वर्षीय पुरुषमा सङ्क्रमण देखिएपछि नेपालमा कोरोना सङ्क्रमितको सङ्ख्या ४८ पुगेको छ । स्वास्थ्य तथा जनसङ्ख्या मन्त्रालयका सहप्रवक्ता डा समिरकुमार अधिकारीले धरानस्थित बिपी स्वास्थ्य विज्ञान प्रतिष्ठानमा परीक्षणका क्रममा कोभिड–१९ को संक्रमण देखिएको बताए । सङ्क्रमितलाई आइसोशनमा राखिएको छ । ती पुरुष गत फागुन ३० गते साउदी अरबबाट नेपाल आएका हुन् । यसअघि बिहीबार नै दुई जनामा सङ्क्रमण देखिएको थियो । यसैगरी जनकपुरका १४ वर्षीय पुरुष र उदयपुरकी ५५ वर्षीया महिलामा सङ्क्रमण देखिएको थियो ।
