२०७७ जेष्ठ २१ गते, बुधबार

काठमाडौँ , २१ जेठ । तनहुँको बन्दीपुर गाउँपालिकामा बसेको सर्वपक्षिय बैठकले जेठ २१ गतेदेखि २८ गतेसम्म बजार सिल गर्ने निर्णय गरेको छ । पछिल्लो समय तनहुँमा पनि एक व्यक्तिलाई कोरोना पुष्टि भएपछि संक्रमणको जोखिम बढ्न सक्ने भन्दै सावधानी अपनाउन बन्दीपुर प्रवेशमा रोक लगाइएको गाउँपालिकाले जनाएको छ । अत्यावश्यकबाहेक अन्यलाई गाउँपालिकाले बन्दीपुर प्रवेशमा रोक लगाएको हो ।
भीडका कारण जोखिम बढ्ने भन्दै सतर्कता अपनाउन बन्दीपुर सिल गरिएको गाउँपालिकाका अध्यक्ष पूर्णसिंह थापाले जानकारी दिए । त्यस्तै गाउँपालिकाले पृथ्वी राजमार्गको मुख्य बजार डुम्रेमा पनि चेकजाँचमा कडाइ गरेको छ ।