२०७८ मंसिर ११ गते, शनिबार

काठमाडौं । अरनिको राजमार्ग खण्डअन्तर्गत जगातीबाट सूर्यविनायकतर्फ जाँदै गरेको बा ३ ख ५४२३ नम्बरको टिपरले विपरीत दिशाबाट आउँदै गरेको बा ५७ प ३११३ नम्बरको स्कुटरलाई ठक्कर दिँदा स्कुटर चालक धनकुटा राजारानी घर भई हाल ललितपुर कुसुन्ती बस्ने २४ वर्षीय अशिम लिम्बुको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक दिपक गिरीले जानकारी दिए । दुर्घटनामा गम्भीर घाइते स्कुटरपछाडि सवार ललितपुर पाटन बस्ने २६ वर्षीय सन्दीप महर्जनको डाक्टर इवामुरा अस्पताल, सल्लाघारीमा प्राथमिक उपचारपछि थप उपचारका लागि बिएण्डबी अस्पताल पठाएको उहाँले बताए ।
दुर्घटनापछि फरार टिपर चालक दाङ घोराही–२ रामपुर घर भई हाल काठमाडौँ माछापोखरी बस्ने ३१ वर्षीय किरण कुँवर योगीलाई प्रहरीले थिमिको राधेराधेबाट नियन्त्रणमा लिई महानगरीय प्रहरी वृत्त जगातीमा राखी थप अनुसन्धान गरिरहेको प्रहरी नायब उपरीक्षक गिरीले जानकारी दिए ।