२०७९ भाद्र ७ गते, मंगलवार

काठमाडौं । जनपत्रकार संगठन नेपालका केन्द्रिय सदस्य तथा डेलिन्युज राप्तीका सम्पादक हेमन्त प्रकाश ओलीलाई तत्काल रिहा गर्न माग गरिएको छ। सो संगठनका केन्द्रिय संयोजक शेरबहादुर बिश्वकर्माले मङ्गलबार सामाजिक सञ्जाल फेसबुकमार्फत ओलीलाई रिहाइ गर्न र प्रेस तथा अभिव्यक्तिको सम्मान र पालना गर्दै कानुनको उल्लंघन नगर्न सम्वन्धित निकायसग माग गरेका हुन् ।
नेपाल कम्युनिस्ट पार्टी र तत्कालीन ओली सरकारबीच भएको तीन बुंदे सहमतिको पालना नगरिएको , उल्टै नेकपाका महासचिव विप्लव सहितका नेता कार्यकर्ताबिरुद्ध पक्राउ पुर्जी जारी गरिएको, मुलुकमा भ्रस्टाचार , महङ्गी र सामाजिक असुरक्षा बढेको भन्दै नेपाल कम्युनिस्ट पार्टीसहित चार पार्टीद्वारा आयोजित वन्दको क्रममा दाङ्गको तुलसिपुरमा समाचार संकलनको क्रममा रहेका पत्रकार ओलीलाई प्रहरी इन्स्पेक्टर बखतबहादुर शाहीको नेतृत्वमा रहेको टोलीले गिरफ्तार गरि प्रहरी चौकीमा राखिएको छ।