२०८० बैशाख ४ गते, सोमबार

काठमाडौं । दाङ तुलसीपुरस्थित कारागार सुरक्षामा कार्यरत सशस्त्र प्रहरीका सहायक हवल्दारले आत्महत्या गरेका छन् । उनले आफैंमाथि गोली चलाएर आत्महत्या गरेको पाइएको छ । तुलसीपुर उपमहानगरपालिका–८ निवासी वसन्त केसीले आत्महत्या गरेका हुन् । ड्युटीमा रहेको समयमा ३५ वर्षीय केसीले आइतबार साँझ ८:४० बजेतिर एसएलआरले आफैलाई गोली चलाएका थिए । प्रारम्भिक अनुसन्धानका क्रममा घरायसी विवादका कारण सहायक हवल्दार केसीले आत्महत्या गरेको देखिन्छ । घटनाबारे थप अनुसन्धान भइरहेको छ ।