२०८० बैशाख १७ गते, आईतवार

काठमाडौं । सुक्खा पहिरोका कारण सङ्खुवासभामा अरुण नदी थुनिएको छ । अरुण तेस्रो जलविद्युत् आयोजनाको जलाशय क्षेत्र फाक्सिन्दा नजिकै ठूलो सुक्खा पहिरो खसेको प्रमुख जिल्ला अधिकारी वीरेन्द्रकुमार यादवले जानकारी दिए । उनले अहिले डोजरसहित प्राविधिकको टोली नदी थुनिएकै ठाउँमा रहेको र सुरक्षित तरिकाले पहिरो पञ्छाएर नदीको बहाव सामान्य बनाउन प्रयास भइरहेको बताए । अहिलेसम्म नदी थुनिँदा कुनै खतरा नरहेको पनि प्रमुख जिल्ला अधिकारी यादवको भनाइ छ । तर छिटो खुलाउन नसकिए ताल बढ्दै जाने र जोखिम बढ्ने भएकाले सबै शक्ति प्रयोग गरेर काम भइरहेको उनले बताए ।