२०८० असार २९ गते, शुक्रबार

काठमाडौँ । जनपत्रकार संगठन नेपाल दाङले नेपाल पत्रकार महासंघ , दाङ शाखाको नयाँ सदस्यता छनौटको निर्णयप्रति गम्भीर ध्यानाकर्षण भएको जनाएको छ । सो संगठनका केन्द्रीय सदस्य तथा जिल्ला अध्यक्ष हेमन्त प्रकाश ओलीले बिहिबार प्रेस बिज्ञप्ती जारी गर्दै उक्त निर्णयको ध्यानाकर्षण भएको बताएका हुन् । अध्यक्ष हेमन्त प्रकाश ओलीद्वारा जारी बिज्ञप्तिमा भनिएको छ – ‘नेपाल पत्रकार महासंघ दाङ शाखाले जिल्लामा नयाँ सदस्यता छनौट भनी जारी गरिएको प्रेस बिज्ञप्तीप्रती हाम्रो संगठनको गम्भीर ध्यानाकर्षण भएको छ । शाखाले ९४ जना आवेदक मध्य १२ जनाको नाम प्रदेश समितिमा सिफारिस गर्ने निर्णय न्यायोचित नभएकाले तत्काल निर्णय सच्याउन जोडदार माग गर्दछौं ।’
ओलीद्वारा जारी बिज्ञप्तिमा अधिकांश आवेदकहरु सदस्यता प्राप्तिका लागि योग्य रहेको , मापदण्ड अनुसार पत्रकारितामा क्रियाशिल रहेको भएपनी सदस्यता छनौटका लागि गठन भएको छानविन समितिले गम्भीर त्रुटि गरेको स्पष्ट गरिएको छ ।
बिज्ञप्तिमा थप भनिएको छ – ‘महासंघले हाल नयाँ सदस्यता छनौट गरि प्रदेश समितिमा सिफारिस गर्ने निर्णय नसच्याए महासंघका विरुद्ध संघर्ष गर्ने यसै प्रेस बिज्ञप्ती मार्फत जानकारी गराउदछौँ ।’
साथै बिज्ञप्तिमा नेपाल पत्रकार महासंघले पत्रकारिता क्षेत्रलाइ मर्यादित बनाउन देशैभरी चलाएको शुद्धीकरण अभियानप्रती संगठन सकारात्मक रहेको र उक्त बिसयहरु जनपत्रकार संगठनले पनि पटकपटक ध्यानाकर्षण गराएका बिसय भएको उल्लेख गरिएको छ ।
बिज्ञप्तिमा महासंघलाई सबैको साझा एवम मर्यादित बनाउन जिल्लामा क्रियाशिल पत्रकार संघ/संगठनहरुलाइ महासंघको गलत निर्णयका विरुद्ध खबरदारी गर्न अपिल समेत गरिएको छ ।