२०८० आश्विन १५ गते, सोमबार

काठमाडौँ । अखिल नेपाल महिला संघ क्रान्तिकारीले सुदूरपश्चिम प्रदेशका मुख्यमन्त्री कमलबहादुर शाहलाई ज्ञापनपत्र बुझाएको छ। नेपाल कम्युनिष्ट पार्टीनिकट सो संगठनले महिला हिंसा नियन्त्रण, चेलीबेटी बेचबिखन नियन्त्रण, महिला शशक्तिकरण, महिलालाई शिक्षा, स्वास्थ्य र रोजगारीका अवसर सृजना, सरकारी पहलमा महिला बालबालिकालाई सुरक्षित आवास निर्माण गर्न माग सहित ज्ञापनपत्र बुझाएको हो ।
अखिल नेपाल महिला संघ क्रान्तिकारीकि केन्द्रीय सदस्य तथा सेती व्यूरो संयोजक सुनिता सी, महाकाली व्यूरो संयोजक ममता सी लगायतको टोलिले मुख्यमन्त्रीलाई ज्ञापनपत्र बुझाएको हो।