२०८१ श्रावण १२ गते, शनिबार

काठमाडौँ । काठमाडौं उपत्यकाभित्रका सम्पूर्ण स्थानीय तहमा आइतबार सार्वजनिक बिदा हुने भएको छ। काठमाडौँ उपत्यका मेयर्स फोरमले कीर्तिपुर नगरपालिका प्रमुख राजकुमार नकर्मीको निधनको शोकमा आइतबार काठमाडौँ, ललितपुर र भक्तपुरका स्थानीय तहमा सार्वजनिक बिदा दिने निर्णय गरेको हो।
२०२१ असार २० गते जन्मिएका नकर्मी मृगौला रोगबाट पीडित थिए। उपचारकै क्रममा गत बिहीबार राति वीर अस्पतालमा उनको मृत्यु भएको थियो। शुक्रबार कीर्तिपुर दिखु घाटमा नेवारी परम्पराअनुसार अन्येष्टि गरिएको छ। विकासप्रेमी एवं समाजसेवी छवि बनाएका नकर्मी २०७९ सालको स्थानीय निर्वाचनमा नेपाली कांग्रेसका तर्फबाट नगरप्रमुख निर्वाचित भएका थिए।