२०८१ श्रावण १९ गते, शनिबार

काठमाडौँ । मकवानपुरको भीमफेदी गाउँपालिका-८ महादेवटार सडकखण्डमा गएराति पहिरो जाँदा काठमाडौं–हेटौडा जोड्ने कान्ति लोकपथ अवरुद्ध भएको छ। उक्त सडकखण्ड अवरुद्ध भएको इलाका प्रहरी कार्यालयका प्रहरी निरीक्षक ओमप्रकाश पण्डितले जानकारी दिए। उनका अनुसार सडकको ट्र्याक नै बगेकाले सञ्चालनमा ल्याउन केही समय लाग्ने छ।
अहिले सडकको अवरोध हटाउन सडक विभाग र फास्ट ट्र्याक निर्माण आयोजनासँग समन्वय भइरहेको प्रहरी निरीक्षक पण्डितले बताए।