२०८१ भाद्र १० गते, सोमबार

काठमाडौँ । सुर्खेतबाट नारायणघाटतर्फ आउँदै गरेको बस कपिलवस्तुको शिवराज नगरपालिका-१ बनकसबासामा दुर्घटना हुँदा २६ जना घाइते भएका छन् । घाइतेमध्ये तीन जनाको अवस्था गम्भीर रहेको जनाइएको छ । जिल्ला प्रहरी कार्यालय कपिलवस्तुका प्रहरी नायब उपरीक्षक हरिबहादुर वलीका अनुसार सुर्खेतबाट नारायणघाटतर्फ जाँदै गरेको लु १ ख १५९८ नम्बरको बस दुर्घटना भएको हो । मोटरसाइकललाई बचाउने क्रममा सो बस एक मिटर तल पल्टिएको हो ।
घाइतेको चन्द्रौटास्थित विभिन्न अस्पतालमा उपचार भइरहेको प्रहरी उपरीक्षक ववलीले बताए । दुर्घटनाको विस्तृत विवरण आउन बाँकी छ ।