२०८२ जेष्ठ ३ गते, शुक्रबार

काठमाडौँ । जिल्ला प्रशासन कार्यालय मकवानपुरले कुलेखानी–कलंकी–हुमाने सडकखण्ड आजदेखि जेठ २० गतेसम्म बन्द गरिएको जनाएको छ । सडक कालोपत्रे गर्नका लागि सवारी साधनहरु पूर्णरुपमा बन्द गरिएको हो ।
बन्द अवधिभर हेटौंडा–काठमाडौं वा काठमाडौं–हेटौंडा यात्रा गर्नेहरुलाई वैकल्पिक बाटो प्रयोग गर्न स्थानीय प्रशासनले अनुरोध गरेको छ । विकल्पमा कान्ति लोकपथ वा कुलेखानी–सिस्नेरी–फर्पिङ सडक प्रयोग गर्न सकिने जिल्ला प्रशासन कार्यालय मकवानपुरले जनाएको छ ।