२०८२ पुष २५ गते, शुक्रबार

काठमाडौँ । मौसम पूर्वानुमान महाशाखाले देशभर पश्चिमी वायुको आंशिक प्रभाव रहेको जनाएको छ। आज पनि तराई र पहाडी भेगका धेरै ठाउँमा हुस्सु र कुहिरो लागेको छ। दिउँसो तराई भूभागका धेरै ठाउँमा अबेलासम्म नै हुस्सु तथा कुहिरो रहने महाशाखाले जनाएको छ।
कोशी, मधेश, बागमती, गण्डकी र लुम्बिनी प्रदेशमा आंशिक बदली रही बाँकी पहाडी तथा हिमाली भू-भागमा मौसम मुख्यतया सफा रहनेछ। देशका तराई भूभागमा हुस्सु तथा कुहिरोको प्रभावले दैनिक जनजीवन, पर्यटन, स्वास्थ्य साथै हवाई तथा सडक यातायातमा आंशिक प्रभाव पर्ने देखिएकोले आवश्यक सतर्कता अपनाउन महाशाखाले अनुरोध गरेको छ।
देशभर चिसो बढेको छ। काठमाडाैंमा आज बिहानको न्यूनतम तापक्रम ३ डिग्री सेल्सियस मापन गरिएको छ। डडेलधुरा, दीपायल, सुर्खेत लगायतका ठाउँको तापक्रम काठमाण्डौको भन्दा कम छ। यस्तै जुम्ला, जोमसोम, जिरी लगायतका हिमाली भेगको तापक्रम माइनसमा झरेको छ।