२०८२ माघ २७ गते, सोमबार

काठमाडौँ । सर्वोच्च अदालतले सवारी साधनमा प्रयोग हुने इम्बोस्ड नम्बर प्लेटमा अंग्रेजी भाषा प्रयोग नगर्न आइतबार अन्तरिम आदेश जारी गरेको छ । न्यायाधीशद्वय कुमार रेग्मी र महेश शर्मा पौडेलको संयुक्त इजलासले दिएको आदेशसँगै इम्बोस्ड नम्बर प्लेटमा अंग्रेजी भाषा प्रयोग गर्ने तत्कालिन सरकारको निर्णय कार्यान्वयनमा नआउने भएको हो। तत्कालीन मन्त्रिपरिषद्को बैठकले इम्बोस्ड नम्बर प्लेट नेपाली भाषामा पनि प्रयोग गर्न सकिने गरी सवारी तथा यातायात व्यवस्था ऐन २०४९ संसोधन गर्ने निर्णय लिएको थियो।