२०८१ श्रावण १९ गते, शनिबार

काठमाडौँ । त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा आज दिउँसो ३ बजे शुरु हुने काभा महिला भलिबल नेसन्स लिगमा नेपाल र भारत भिड्दै छन् । आजको खेल नेपालको दोस्रो खेल हो भने भारत तेस्रो खेल हो । शुक्रबार भारतले माल्दिभ्सलाई ३–० को सोझो सेटमा पराजित गरेको थियो । नेपालले पहिलो खेलमा श्रीलंकालाई २५–१९, २५–१८, २५–१९ ले हराएको थियो । साउन २३ गतेसम्म चल्ने प्रतिस्पर्धामा नेपाल र भारतसहित इरान, श्रीलंका र माल्दिभ्स प्रतियोगी रहेका छन् ।