२०८२ असार १२ गते, बिहीबार

काठमाडौँ । सुदूरपश्चिम प्रदेशस्तरीय यू-१९ महिला क्रिकेट आजदेखि शुरु हुँदैछ। प्रदेश खेलकुद परिषद्को आयोजनामा धनगढीको फाप्ला मैदानमा प्रतियोगिता हुन लागेको हो। परिषद्का परिषद्का सदस्य–सचिव लोकबहादुर खड्काका अनुसार आठ टिमलाई दुई समूहमा विभाजन गरी टी-२० फरम्याटमा प्रतियोगिता सञ्चालन गरिनेछ । समूह ’ए’मा कैलाली, कञ्चनपुर, अछाम र बझाङ तथा समूह ’बी’मा डडेल्धुरा, बैतडी, डोटी र दार्चुला छन्। उद्घाटन खेल कैलाली र कञ्चनपुरबीच हुनेछ।
प्रतियोगिताको विजेताले नगद दुई लाख तथा उपविजेताले नगद एक लाखसहित ट्रफी तथा मेडल प्राप्त गर्नेछन्। प्रतियोगितामा तृतीय र चौथो स्थान प्राप्त गर्ने टिमले नगद ५०-५० हजार पुरस्कार पाउने छन् । उत्कृष्ट खेलाडी, उत्कृष्ट ब्याटर र बलर लगायत विधागत शीर्षकमा पनि पुरस्कार राखिएको छ।