२०६९ चैत्र २९ गते, बिहीबार

दशौं फेवा नवबर्ष महोत्सव आजबाट पोखरामा शुरु हुँदैछ ।नयाँवर्षको अवसरमा आन्तरिक पर्यटन प्रवर्द्धनका लागि पश्चिमाञ्चल होटल संघले अघिल्ला वर्षहरुमा जस्तै महोत्सव गर्न लागेको हो ।बैशाख २ गतेसम्म पोखराको बसुन्धरा पार्कमा हुने महोत्सवको पूर्वसन्ध्यामा आजबिहीबार बिहान लेकसाइडको खहरेचोकबाट साँस्कृतिक झाँकी सहित र्या ली गरिँदैछ ।महोत्सवको उद्घाटन दिउँसो साढे १२ बजेपछि हुनेछ । २०६९ साललाई बिदाई र २०७० साललाई स्वागत गर्ने क्रममा चैत ३१ गते साँझ महोत्सवमा गरिने आतसबाजी नेपाल टेलिभिजनबाट पनि प्रत्यक्ष प्रसारण हुने संघका अध्यक्ष हरिप्रसाद शर्मा गैह्रेले जानकारी दिए ।
महोत्सवमा रहने १५ वटा स्टलमा देशविदेशका खानाका प्रदर्शन र बिक्री गरिनेछ भने अन्य उत्पादनका समेत गरी ६० वटा स्टल रहनेछन् । महोत्सवमा पर्यटक दौड र साँस्कृतिक कार्यक्रमहरु समेत गरिने आयोजकले जनाएको छ ।महोत्सव अबधिभरि नेपालीका लागि वासमा ३० प्रतिशत र खानामा १० प्रतिशत छुटको व्यवस्था गरिएको छ । महोत्सवबाट बचेको रकममध्ये केही फेवातालको संरक्षणका लागिखर्च गरिने आयोजकले जानकारी दिएको छ ।