२०७९ चैत्र २९ गते, बुधबार

काठमाडौं । सगरमाथाको हिमपहिरोमा परी ३ जना शेर्पा आरोहीको मृत्यु भएको छ । आज सगरमाथा आरोहण गर्ने क्रममा खुम्बु आइसफल भत्किएर हिमपहिरो जाँदा क्याम्प–१ मुनि हिउँमा पुरिएर खुम्बु पासाङ ल्हामु गाउँपालिका–५ का तीन शेर्पा आरोहीको मृत्यु भएको हो ।
हिमपहिरोमा परि ज्यान गुमाउनेहरुमा तेन्जिङ शेर्पा, लाक्पा रिता शेर्पा र बादुरे शेर्पा रहेका छन् । उनीहरुको अहिले सिम्रिक एयरको हेलिकप्टरमार्फत खोजी कार्य भइरहेको बताइएको छ । शव खोँचमा परेका कारण शव निकाल्न अप्ठ्यारो भइरहेको बताइएको छ । उनीहरु इम्याजिन ट्रेक प्रा.लि.बाट सगरमाथा आरोहणका लागि गाइडको भूमिकामा रहेका थिए ।