२०८२ आश्विन १९ गते, आईतवार

काठमाडौँ । त्रिभुवन विमानस्थल कार्यालयले निरन्तरको वर्षाले शनिबारदेखि बन्द रहेको आन्तरिक हवाई उडान आइतबार बिहानवाट शुरु भएको जानकारी दिएको छ। कार्यालयले मौसम अनुकुल रहेका स्थानमा आन्तरिक उडान गर्न थालेको बताएको छ ।
बुद्ध एयर र यति एयरले काठमाडौं भद्रपुर, विराटनगर र पोखराको उडान भरेको विमानस्थलका प्रवक्ता रिन्जी शेर्पाले जानकारी दिए। अन्य क्षेत्रमा पनि मौसम अनुकुल रहेको जानकारी आएसँगै उडान शुरु गरिएको कार्यालयले जनाएको छ। अन्तर्राष्ट्रिय उडान शनिबार बेलुकीदेखि नै नियमित छ।