२०७० श्रावण २७ गते, आईतवार

काठमाण्डौ ,२७ साउन।इराकमा रमाजान मिहना सकिएको खुसियालीमा इद उल फित्र पर्व मनाईरहेका सर्वसाधारणहरुलाई लक्षित गरि कार बम विस्फोट भएको छ । श्रृखलावद्ध कार बम विस्फोट तथा गोलाबारीमा परि कम्तिमा ६० जनाको मृत्यु भएको छ । घटनामा १ सय ७० भन्दा बढी घाईते भएका छन् ।
राजधानी वग्दादमको सिया र सुन्नी समुदाय बाहुल्य रहेका इलाकामा ११ वटा बम विस्फोट भएका छन् । क्याफे, बजार तथा रेष्टुरेन्टलाई लक्षित गरी आक्रमण भएको बीबीसीले जनाएको छ ।बग्दाददेखि उत्तरमा रहेको तुज खुरमातोमा भएको बम विस्फोटमा परि कम्तिमा १० जनाको मृत्यु भएको छ । इराकमा रमजान महिना भर भएका घटनामा परी ६ सय ७० भन्दा बढी सर्वसाधारणको मृत्यु भएको जनाइएको छ । यस वर्ष भएका घटनामा परि अहिले सम्म ४ हजारको मृत्यु भई सकेको छ भने ९ हजार ८ सय ६५ भन्दा बढी घाईते भएका छन् ।- एजेन्सी