२०७१ जेष्ठ ११ गते, आईतवार

काठमाडौ, ११ जेठ ।आफ्नो सपथ ग्रहण समारोहमा बोलाएर नव निर्वाचत भारतिय प्रधानमन्त्री नरेन्द्र मोदीले सार्क राष्ट्रका सबै राज्य प्रमुखहरुलाई प्रभाव पार्न देखिन थालिसकेको देखिएको छ । श्रीलंकन राष्ट्रपती महेन्दा राजापक्षेले ट्विटमार्फत आफ्नो देशका जेलमा भएका माझीहरुलाई रिहा गर्ने बताएका छन् ।
यद्यपी कतिजना माझीहरुलाई रिहा गर्न लागिएको हो, त्यो उल्लेख छैन । त्यसैगरी पाकिस्तानले पनि आफ्नो सामुद्रिक क्षेत्रमा प्रवेश गरेर माछा मारेको आरोप लगाएर जेलमा थुनेका भारतिय माझीहरुलाई भोलीकै दिन पारेर रिहा गर्ने बताएको छ । गुजरात, दमान,दिउ,दद्रा र नगर हभेलीका माझीहरु पाकिस्तानी जेलमा छन् । तिमध्ये अधिकांश गुजरातकै छन् ।
पाकिस्तानबाट रिहा गरिने माझीहरुलाई लिन गुजरातबाट गुजरात राज्य सरकारका तर्फबाट अधिकारीहरु पन्जाबको वाघा बोर्डरतर्फ खटाइ सकिएका छन् ।
कराँचीलाई आधार मानेर संचालित पाकिस्तानी ‘फिस फोरम’ नामक एनजिओका अध्यक्ष मोहम अली शाहले यो कदमलाई एकदमै उचित ठहयाएका छन् । भन्छन् , ‘यो सही समयमा सही निर्णय हो ।’ विश्लेषकहरु भन्छन् -मोदी रणनिती एक हप्तामै सफल भएको देख्न पाइयो ।