श्रीलङ्काका चारजना मन्त्रीद्वारा सामुहिक राजीनामा

२०७२ जेष्ठ ८ गते, शुक्रबार

काठमाडौं ,८ जेठ । श्रीलङ्काको वर्तमान संयुक्त सरकारका चारजना मन्त्रीले सामूहिक राजीनामा दिएको समाचार छ ।यो सरकार निर्माण भएपछिको यो नै पहिलो ठूलो राजनीतिक क्षति भएको विश्लेषकहरूको भनाई छ ।गएको मार्च महिनामा निर्माण भएको राष्ट्रपति मैत्रीपाला सिरिसेनाको सरकारमा यो एक राजनीतिक क्षति भएको बताइएको छ ।ती मन्त्रीहरू श्रीलङ्काको विपक्षी दल युनाइटेड नेसनल पार्टीका सदस्य हुन् । सो दल नै केही समयअघि सत्तारुढ दलसँग गाभिएको थियो
उनीहरूको सामूहिक राजीनामापछि वर्तमान सरकारको भविश्यमाथि नै प्रश्न चिह्न उठेको त छैन तर यस सरकारका लागि भने यो निर्णय प्रिय हुन नसक्ने बताइन्छ ।उनीहरूले राजीनामा दिनुपर्नाको कारणका बारेमा केही बताएका छैनन् । तर पनि राजीनामाको बारेमा जानकारी दिनका लागि आयोजना गरिएको पत्रकार सम्मेलनका क्रममा उनीहरूले यस सरकारसँग कामगर्न मन नलागेको भन्दै यो कदम चालेको बताएका थिए ।

प्रतिक्रियाहरु

[anycomment]