‘धर्म र जात विभाजनको खतराप्रति अमेरिका सचेत छ’
२०७३ मंसिर १ गते, बुधबार
काठमाडौं, १ मंसिर । अमेरिकी राष्ट्रपति बाराक ओबामाले विभाजनकारी राष्ट्रवादबाट बच्नुपर्ने बताएका छन् । अमेरिकी राष्ट्रपतिका रुपमा आफ्नो अन्तिम विदेश भ्रमणमा ग्रीस पुगेका ओबामाले विभाजनकारी राष्ट्रवादबाट बच्नुपर्ने भन्दै धर्म र जातका आधारमा हुने विभाजनको पीडादायी खतराप्रति अमेरिका सचेत रहेको बताए । यस्ता मुद्धाले देश विकासलाई पछाडि धकेल्ने उनको भनाई थियो । ओबामाले बलियो र एकताबद्ध यूरोप एवं नेटो गठबन्धन अमेरिकाका लागि महत्वपूर्ण हुने जिकीर गरे ।नवनिर्वाचित अमेरिकी राष्ट्रपति डोनाल्ड ट्रम्पले भने चुनावी अभियानका क्रममा नेटोको भूमिकालाई लिएर आलोचना गरेका थिए । अमेरिकाले आफ्ना अन्तर्राष्ट्रिय सहयोगी राष्ट्रका नेताहरुलाई भविष्यमा पनि अमेरिकी प्रतिबद्धता सुनिश्चित गर्ने प्रयास स्वरुप ओबामा यूरोप भ्रमणमा निस्कनुभएको अन्तर्राष्ट्रिय सञ्चारमाध्यमहरुले जनाएका छन् । – एजेन्सी
