२०७३ पुष १२ गते, मंगलवार

काठमाडौं, १२ पुस । ब्ल्याक सीमा दुर्घटनामा परेको रुसी सैन्य विमानमा रहेकाहरुको शव खोजी अभियानलाई तिव्र पारिएको छ । विमान दुर्घटनामा ९२ जनाको मृत्यु भएको थियो । सिरियाको तटीय शहर सोची नजिकको समुद्र खोजी केन्द्रीत गरिएको छ । त्यसका लागि तीन हजारभन्दा बढी सहभागी छन् । यसमा १ सय ९ गोताखोर र केही हेलिकोप्टरसमेत परिचालन गरिएको छ । अहिलेसम्म ११ वटा शव फेला परेको रुसी रक्षा मन्त्रालयले जनाएको छ ।
यसैबीच रुसका यातायात मन्त्री म्याक्सिम सोकोलोफले आइतबार भएको सैन्य विमान दुर्घटना हुनुको कारण चालकको गल्ती या प्राविधिक गडबडी हुनसक्ने बताएका छन् । दुर्घटनाग्रस्त विमानको केही अवशेष सोची तटबाट डेढ किलोमिटर टाढा ब्ल्याक सीको १ सय ६५ देखि २ सय ३० फिटको गहिराइमा फेला परेको थियो । – एजेन्सी