२०७४ जेष्ठ ३१ गते, बुधबार

काठमाडौं, ३१ जेठ । जल तथा मौसम विज्ञान विभागले चट्याङको पूर्वसूचना दिने उपकरण असारभित्रै संचालनमा ल्याउने भएको छ । उपकरणले १५ देखि २० मिनेट अघि नै सूचना दिने जल तथा मौसम विज्ञान विभागका महानिर्देशक ऋषिराम शर्माले बताए । उनले भने, ‘१५ देखि २० मिनेट अघि हामीले सूचना पाउँछौं, सर्वसाधारणको मोबाइलमा ५ देखि १० मिनेट अगाडि नै सूचना दिन सकिन्छ ।’ पूर्व सूचना दिएमा चट्याङबाट मृत्यु हुनेको संख्या कम हुने अपेक्षा विभागको छ । नेपाल सरकार र विश्व बैंकको तीन करोड ४४ हजार रुपैयाँ सहयोगमा काम थालिएको हो । –नयाँ पत्रिका दैनिकबाट