२०७७ पुष १२ गते, आईतवार

काठमाडौं । बेलायतमा हालै देखा परेको नयाँ भाइरसको नयाँ प्रकार युरोपेली मुलुकहरुमा पनि देखा परेको छ । नयाँ प्रकारको भाइरस दक्षिण अफ्रिका र बेलायतमा देखा परेकोमा हाल युरोपका अधिकांश मुलुकमा देखिएको हो । यो भाइरस क्यानडा, जापान, अष्ट्रेलिया, डेनमार्क, फ्रान्स र नेदरल्याण्ड्समा पनि देखा परेको छ । हालै बेलायतबाट फर्केका स्पेन, स्वेडेन र स्वीट्जरल्याण्डका व्यक्तिमा पनि संक्रमण देखिएको छ ।
युरोपेली संघ इयुमा आवद्ध राष्ट्रहरुमा भाइरस नियन्त्रणका लागि धमाधम खोप लगाउन शुरु गरिएको छ । फ्रान्स, इटली र स्पेनमा आजबाट खोप बितरण शुरु गरिेने भएको छ । भाइरसको नयाँ प्रकार बेलायतमा पहिलोपटक देखिएको थियो । नयाँ प्रकारको भाइरसले युवाहरुलाई बढी प्रभावित पारेको देखिएको छ । नयाँ भाइरसको यसको गुण, लक्षण, असरलगायतका बारेमा अध्ययन जारी रहेको डब्लुएचओले जनाएको छ । -एजेन्सी