२०७८ पुष २७ गते, मंगलवार

काठमाडौं । साइप्रसको पश्चिमी तटमा ६.६ म्याग्निच्युडको भूकम्प गएको अमेरिकी भौगर्भिक सर्वेक्षणले जनाएको छ । तर तत्काल कुनै हताहत वा क्षतिको विवरण भने आइसकेको छैन । नेपाली समयानुसार मङ्गलबार बिहान ६ः५२ बजे शक्तिशाली भूकम्प गएको हो । भूकम्प भूमध्यसागरको टापुको पोलिस शहरबाट ४८ किलोमिटर पश्चिम–उत्तरपश्चिममा केन्द्र रहेको थियो ।
भूकम्पको धक्का साइप्रस र आसपासका क्षेत्रहरूमा महसुस गरिएको थियो, जसमा टर्किए, इजरायल, इजिप्ट र लेबनानजस्ता देशहरूमा पनि भूकम्पको धक्का महसुस गरिएको हो । तर भूकम्पबाट मानवीय तथा अन्य क्षतिको सम्भावना न्यून रहेको युएसजीएसले जानकारी दिएको छ । युरोपेली भूमध्य क्षेत्रीय भूकम्प विज्ञान केन्द्रले ५१ किलोमिटर गहिराईमा ६.५ म्याग्निच्युडको भूकम्प मापन गरेको छ । टर्कीको प्रकोप एजेन्सी एएफएडीले साइप्रसको दक्षिणपश्चिमी तटमा रहेको भूमध्यसागरमा ६.४ म्याग्निच्युडको भूकम्प गएको जनाएको छ ।
साइप्रस दोस्रो भूकम्प–प्रवण क्षेत्रमा अवस्थित छ, तर त्यस्ता परिमाणका भूकम्पहरू असामान्य छन् । हालैका वर्षहरूमा सबैभन्दा ठूलो भूकम्प १९९६ मा ६.८ म्याग्निच्युडको थियो । जसकारण पश्चिमी तटको पाफोसमा दुई व्यक्तिको मृत्यु भएको थियो । सन् १९५३ मा ६.३ म्याग्निच्युडको भूकम्पले ४० जनाको ज्यान लिएको थियो । प्रायः पाफोस क्षेत्रमा उक्त समयमा सयौं घरहरू ध्वस्त भएका थिए । भूमध्यसागरको टापुको पोलिस तटमा भएपनि अहिले नै सुनामी आउँने आँकलन गरिएको छैन । तर सचेत रहन भने अपिल गरिएको छ ।