२०७९ मंसिर १ गते, बिहीबार

काठमाडौं । इरानको खुजेस्तान प्रान्तको एक बजारमा अज्ञात हमलाकारीले प्रदर्शनकारी र सुरक्षाकर्मीमाथि खुलेआम गोली चलाएको छ । उक्त गोलीबारीमा ५ जनाको मृत्यु भएको छ । जबकि १० जना घाइते भएका छन् । इरानको समाचार एजेन्सी इरनाका अनुसार खुजेस्तानको इजेह सहरको सेन्ट्रल मार्केटमा दुईवटा मोटरसाइकलबाट आएका केही अज्ञात आक्रमणकारीले सुरक्षा बल र प्रदर्शनकारीमाथि गोली चलाउन थाले। दुर्घटनामा ५ जनाको मृत्यु भएको छ । अहिलेसम्म कुनै पनि समूहले यस आक्रमणको जिम्मेवारी लिएको छैन । तर यसअघि २६ अक्टोबरमा इस्लामिक स्टेटले शिराजको शाह चेराघ समाधिस्थलमा आक्रमण गरेको थियो । यस दुर्घटनामा १३ जनाको मृत्यु भएको थियो ।
महसा अमिनीको इरानमा सेप्टेम्बर १६ मा प्रहरी हिरासतमा मृत्यु भएको थियो । उनी इरानको ड्रेस कोड उल्लङ्घन गरेको आरोपमा तीन दिनको लागि प्रहरी हिरासतमा थिइन्। मेहसा अमिनीको मृत्युपछि इरानमा विगत दुई महिनादेखि विरोध प्रदर्शन भइरहेको छ । इरान प्रशासनले तिनीहरूलाई दंगाको नाम दिएको छ। अहिलेसम्म सयौं आन्दोलनकारीको मृत्यु भइसकेको छ । इरान प्रशासनले धेरै सुरक्षाकर्मीको पनि मृत्यु भएको दाबी गरेको छ ।