२०७९ फाल्गुन २३ गते, मंगलवार

काठमाडौं । इन्डोनेसियामा मुसलधारे वर्षापछि पहिरो जाँदा ११ जनाको मृत्यु भएको छ। पहिरोका कारण ५० जना भन्दा बढी मानिसहरू वेपत्ता भएको इन्डोनेसियाको विपत व्यवस्थापन निकायले जनाएको हाे । राष्ट्रिय विपत व्यवस्थापन निकायका अनुसार इन्डोनेसियाको रिउ टापुमा मात्रै पहिरोले अधिकांश घरहरु पुरिंदा सयौं घरबारविहीन बनेका छन् । इन्डोनेसिमा मुसलधारे वर्षा अझै जारी रहेकोले सर्वसाधारणलाई थप सतर्कता अपनाउन भनिएको छ । इन्डोनेसियामा हरेक वर्ष पहिरोबाट ठूलो मानवीय क्षति हुने गरेको छ ।