२०८१ असार ३० गते, आईतवार

काठमाडौँ । इजरायली सेनाले गाजाको खान युनिसको अल मवासी इलाकामा हवाइ हमला गरेको छ । सो हमलामा ७१ प्यालेस्टाइनको मृत्यु भएको हमासको स्वास्थ्य मन्त्रालयले जनाएको छ । घटनामा २८९ जना घाइते भएका छन् । इजरायली सेनाले सो क्षेत्रलाई सुरक्षित क्षेत्र भन्दै आएको थियो । साथै प्यालेस्टाइनलाई सो क्षेत्रमा आश्रय लिन आग्रह गरेको थियो । इजरायली सेनाले आफूले सो घटनाको जाँच गरिरहेको जनाएको छ।