२०८१ पुष १३ गते, शनिबार

काठमाण्डौँ । जर्मन राष्ट्रपति फ्रान्क वाल्टर स्टेन मेयरले संसद्‌ विघटन गर्दै फेब्रुअरी २३ मा नयाँ चुनावको मिति घोषणा गरेका छन् । गत नोभेम्बर ६ मा गठबन्धन टुटेपछि उनले अल्पमत सरकारको नेतृत्व गरिरहेका थिए । जर्मनीको स्थिर अर्थतन्त्रलाई कसरी पुनर्जीवित गर्ने भन्ने विवादका बीच उनले अर्थमन्त्रीलाई बर्खास्तसमेत गरेका छन् ।
ओलाफ स्कोल्जले १६ डिसेम्बरमा विश्वासको मत गुमाएपछि उनले अल्पमतको सरकारको नेतृत्व गर्दै आएका थिए । यसपछि धेरै प्रमुख दलका नेताहरूले निर्धारित समयभन्दा सात महिना अगाडि फेब्रुअरी २३ मा संसदीय निर्वाचन गराउने सहमति गरेका थिए । दोस्रो विश्वयुद्धपछिको संविधानले आफैं विघटन गर्न अनुमति नदिने भएकोले स्टाइन मेयरले संसद्‌ विघटन गर्ने र निर्वाचन गर्ने कि नगर्ने निर्णय गर्न समय लागेको हो ।