२०८१ चैत्र २३ गते, शनिबार

काठमाडौँ । युक्रेनी राष्ट्रपति भालोदोमिर जेलेन्स्कीको गृह नगरमा भएको रुसको भीषण मिसाइल आक्रमणका कारण १६ जनाको ज्यान गएको छ। क्रिभी रिइमा शुक्रबार भएको आक्रमणमा मर्नेमा ६ जना बालबालिका छन्। ५० वटा घर भत्किएका छन्। जेलेन्स्कीकै अनुसार मिसाइल घर घरमा नै लक्षित गरेर प्रहार गरिएको थियो। जेलेन्स्कीका अनुसार रुसले शुक्रबार खेर्सनमा रहेको ऊर्जा केन्द्रमा लक्षित गरेर आक्रमण गरेको थियो। जेलेन्स्कीले यो आक्रमणलाई घृणाजन्य बताएका छन्। आक्रमणपछि प्रतिक्रिया दिँदै रुसी रक्षा मन्त्रालयले युक्रेन र पश्चिमा देशको वार्ता रोक्नकै लागि यो आक्रमण गरिएको बताएका छन्।
क्रिभी रिइको रेस्टुरेन्टका युक्रेनी कमान्डर तथा पश्चिमा अधिकारीबीच वार्ता भएका कारण आक्रमण गरिएको समेत रुसी रक्षा मन्त्रालयले जनाएको छ। – एजेन्सी