२०८२ असार ७ गते, शनिबार

काठमाडौँ । इरानले इजरायलमा पुन: मिसाइल आक्रमण गरेको छ। इरानले शुक्रबार साँझ तेल अभिभ, बेरशेबा, हाइफालगायत इजरायलका धेरै सहरमा फेरि मिसाइल आक्रमण गरेको छ। अल जजिराको रिपोर्टअनुसार, हाइफामा मिसाइल खसेर १७ जना घाइते भएका छन्। तीमध्ये १६ वर्षीय नाबालिगसहित तीन जनाको अवस्था गम्भीर छ।
यसअघि आज बिहान इजरायली सहर बेरशेबामा रहेको माइक्रोसफ्ट कार्यालयनजिकै इरानले ब्यालिस्टिक मिसाइल आक्रमण गरेको छ।जसका कारण धेरैवटा कारमा आगो लागेको छ। नजिकैका घरहरूमा पनि क्षति पुगेको छ।
इरानले बिहीबार बेरशेबाको अस्पतालमा मिसाइल प्रहार गर्दा ५० भन्दा बढी व्यक्ति घाइते भएका छन्।आज इरान र इजरायलबीच जारी युद्ध आठौँ दिनमा प्रवेश गरेको छ। वासिङ्टनस्थित मानव अधिकार संस्थाले अहिलेसम्म इरानमा मारिएकाको संख्या ६५७ पुगेको र २,०३७ जना घाइते भएको दाबी गरेको छ। उता इजरायलमा २४ जनाको मृत्यु र ६०० भन्दा बढी घाइते भएको बताइएको छ। – एजेन्सी