२०८२ मंसिर १५ गते, आईतवार

काठमाडौँ । युक्रेनले रुसी कच्चा तेल बोक्ने स्याडो फ्लीटका दुई जहाजमा युक्रेनले आक्रमण गरेको छ । युक्रेनी अधिकारीका अनुसार रुसका तेल ट्याङ्कर ‘ब्ल्याक सी’ हुँदै यात्रा गरिरहेको बेला युक्रेनी नौसैनिक ड्रोनहरूले हमला गरेको बीबीसीले जनाएको छ। युक्रेनी अधिकारीहरूले काइरोस र विराट नामका ट्यांकरलाई पानीमै दौडिने ड्रोनले प्रहार गरेको पुष्टि गरेका छन् ।
बीबीसीले प्रमाणित गरेको दृश्यमा समुद्री ड्रोनहरू तीव्र गतिमा जहाजतर्फ लहर काट्दै पुगेर ठूलो विस्फोट गराएको देखिन्छ । यस आक्रमणलाई युक्रेनले रूसको तेल आम्दानी कमजोर पार्ने प्रयासको ठूलो संकेतका रूपमा हेरिएको छ। २०२२ मा युक्रेनमाथि आक्रमणपछि रूसले पश्चिमी प्रतिबन्ध छल्न सयौँ पुराना, अस्पष्ट स्वामित्व भएका तेल ट्यांकर प्रयोग गर्दै आएको छ। यसलाई स्याडो फ्लिट भनिन्छ ।
स्याडो फ्लिटमा अहिले २ हजारभन्दा बढी जहाजह भएको मानिन्छ । तर कुनै पनि संकेत वा लेभल नहुने भएकाले यी जहाज कुन कम्पनीका हुन् भन्ने अरुलाई थाहा नहुने बताइन्छ । युक्रेनको यो आक्रमणले रुस युक्रेन युद्ध झन चर्काउने संकेत गरेको छ । – एजेन्सी