२०८२ मंसिर १५ गते, आईतवार

काठमाडौँ । ललितपुर महानगरपालिकाले पाटन दरबार क्षेत्र लगायत सम्पदा क्षेत्रमा सवारीसाधन निषेध गर्न परीक्षण शुरु गरेको छ । नगरप्रमुख चिरिबाबु महर्जनले पाटन दरबार क्षेत्रलाई लगायत विभिन्न सम्पदा क्षेत्र चरणबद्ध रूपमा सवारी साधन निषेध क्षेत्र बनाउन लागेको जानकारी दिए ।
पहिलो चरणमा ममदु गल्ली, गौरीशंकर मन्दिरदेखि ओल्खु गणेश मन्दिरसम्म, भीमसेनस्थान मन्दिरदेखि स्वठ नारायणमन्दिरसम्‍म र स्वठ चोकदेखि क्यालखु चोक सवारीसाधन निषेध गरिने छ भने दोश्रो चरण अन्तर्गत तिछुगल्ली मंगलबजार चोकदेखि चक्रवहिल चोकसम्म सवारी साधन निषेध हुनेछ। यी क्षेत्रमा मंसिर १३, १७ र २० गते दिउँसो १ बजेदेखि बेलुकी ६ बजेसम्म प्रवेश निषेध गरिने छ भने मंसिर २४ र २७ गते बिहान ८ बजेदेखि बेलुकी ६ बजेसम्म सवारी साधन निषेध हुनेछ।