२०८० कार्तिक १९ गते, आईतवार

काठमाडौँ । नेपाल कम्युनिष्ट पार्टीले भूकम्प प्रभावितका लागि राहत संकलन सुरु गरेको छ। यसैक्रममा काठमाडौं उपत्यका ब्युरोले भूकम्प प्रभावित क्षेत्रमा राहत बितरणका लागि सहयोग सङ्कलन अभियान सुरु गरेको छ । ब्युरोले भूकम्प प्रभावित क्षेत्रका लागि मानवीय सहायता सामग्री पठाउने निर्णय गर्दै सहयोग संकलन अभियान सुरु गरेको हो । प्राकृतिक विपत्तिले ल्याएको मानवीय संकटमा राहत दिन उपत्यका ब्युरो पनि तयार भएको छ । पार्टी केन्द्रको निर्देशन अनुसार खाद्यान्न, लत्ता कपडा, त्रिपाल लगायतका सामग्रीहरु सङ्कलन गरी भूकम्प प्रभावित जिल्ला जाजरकोट र रुकुम पश्चिम पठाइने नेकपा उपत्यका ब्युरोले जनाएको छ । व्युरोले आजबाट उपत्यकाका विभिन्न व्यवसायीहरुका बिच राहत तथा सहयोग संकलन अभियान थालेको छ । शुक्रबार राति जाजरकोट केन्द्रबिन्दु बनाएर गएको भुकम्पले ठुलो जनधनको क्षति भएको थियो ।