२०७० कार्तिक १० गते, आईतवार

काठमाडौं, १० कात्तिक। भारतीय मोबाइल उत्पादक कम्पनी माइक्रोम्याक्सका दूई नयाँ स्मार्टफोन नेपाली बजारमा भित्रिएका छन् । कम्पनीको ‘क्यानभास टु प्लस’ र ‘क्यानभास फन’ मोडल नेपाल भित्रिएका हुन् । नेपालमा माइक्रोम्याक्सका स्मार्टफोनहरु मुरारका Micromax-Canvas-2अर्गनाइजेशनले बिक्री वितरण गर्दै आएको छ ।‘क्यानभास टु’ प्लसमा एन्ड्रोइड जेलिबिन अपरेटिङ सिस्टम रहेको छ । यसमा १.२ गिगाहर्ज कोर प्रोसेसर, ५ इन्चको आईपीएस स्त्रिन, ८ मेगापिक्सेल ब्याक क्यामेरा, २ मेगापिक्सेल फ्रन्ट क्यामेरा, १ जीबी र्‍याम, ४ जीबी रोम लगायतका सुविधाहरु रहेका छन् ।५ इन्चको टच स्त्रिन भएको ‘क्यानभास फन’मा ओएस एन्ड्रोइड ४.२ जेलिबिन परेटिङ सिस्टम जडान गरिएको छ । यसमा १.२ गिगाहर्ज प्रोसेसर, १.२५ जीबी स्टोरेज, ५ मेगापिक्सेल ब्याक क्यामेरा, ०.३ मेगापिक्सेल फ्रन्ट क्यामेरा, ५१२ एमबी रोम, ३२ जीबीसम्म मेमोरी विस्तार गर्न सकिने लगायतका सुविधाहरु रहेको कम्पनीले जानकारी दिएको छ ।