२०८१ चैत्र २ गते, शनिबार

काठमाडौँ । अन्तरिक्ष यात्री सुनिता विलियम्स र बुच विल्मोरलाई अन्तरिक्षबाट फिर्ता ल्याउन स्पेसएक्सले नयाँ टोलीसहित अन्तर्राष्ट्रिय अन्तरिक्ष स्टेशन (आईएसएस)मा रकेट प्रक्षेपण गरेको छ । अन्तर्राष्ट्रिय सञ्चार माध्यमका अनुसार दुवै अन्तरिक्ष यात्री आठ दिनको लागि मात्र अन्तर्राष्ट्रिय अन्तरिक्ष स्टेशन गएका थिए । तर, अन्तरिक्ष यानमा केही प्राविधिक समस्याका कारण उनीहरू पछिल्लो नौ महिना अन्तरिक्षमा नै बस्नुपरेको थियो ।
नयाँ टोली अन्तर्राष्ट्रिय अन्तरिक्ष स्टेशनमा आइपुगेको दुई दिनपछि, अन्तरिक्ष यात्रीहरूले पृथ्वीमा फर्कने यात्रा शुुरू गर्नेछन् । नासाका कमर्सियल क्रू प्रोग्राम म्यानेजर स्टिभ स्टिचले यो मिसनबाट आफू धेरै खुसी भएको बताएका छन् । उनले भने, ‘बुच र सन्नी (सुनीता)ले उत्कृष्ट काम गरेको बताएका छन् ।
सुनिता विलियम्स र बुच विल्मोरले जुन ५, २०२४ मा परीक्षण अभियानको लागि बोइङको स्टारलाइनर अन्तरिक्ष यानमा उडान भरेका थिए । उनीहरू आठ दिनपछि अन्तर्राष्ट्रिय अन्तरिक्ष स्टेशन (आईएसएस) बाट फर्कने भनिएको थियो । तर उनलाई अझै फिर्ता ल्याउन सकिएको छैन ।-एजेन्सी