देशभक्त, राष्ट्रवादी र क्रान्तिकारी शक्तिहरुबिच ध्रुवीकरण आवश्यक

काठमाडौँ । नेपाल कम्युनिष्ट पार्टीका पोलिट ब्युरो सदस्य तथा कास्की इन्चार्ज आस्था सीले देशभक्त, राष्ट्रवादी र क्रान्तिकारी शक्तिहरुबिच ध्रुवीकरण आवश्यक भएको बताएकी छन । आइतबार नेकपा कास्कीको दोस्रो पूर्ण बैठकलाई सम्बोधन गर्दै उनले सो कुरा बताएकी हुन्।
नेता आस्था सीले देशको राजनीति नयाँ बिन्दुमा प्रवेश गरेको उल्लेख गर्दै क्रान्तिकारी शक्तिहरुबिच एकताबद्ध हुने र नेपाली विशेषताको समाजवादमा अगाडि बढ्न समय अनुकुल बन्दै गएकोले देशभक्त, राष्ट्रवादी र क्रान्तिकारी शक्तिहरुबिच ध्रुवीकरण आवश्यक बनेको बताइन् ।
यसैगरी, सोहि बैठकमा नेकपाका केन्द्रीय सदस्य एवं पार्टीका प्रदेश कार्यालय सचिव विकिरण सीले पार्टीले लिएको नीतिले पार्टीको नयाँ राजनीतिक उचाई कायम भएको बताउँदै पार्टीलाई जनमुखी कार्यक्रमहरु कडाइपूर्वक लागु गर्नुपर्ने बताए ।
कास्की सेक्रेटरी उमेश सीको अध्यक्षतामा बसेको बैठकले आगामी भाद्र २ गतेदेखि सङ्गठनको विशेष अभियान उद्दघाटन गर्ने र ३ गतेदेखि कास्कीका रुपा गाउँपालिका, मादी गाउँपालिका, अन्नपुर्ण गाउँपालिका र माछापुछ्रे गाउँपालिकासहित पोखरा महानगरपालिकाको ३३ वटै वडासम्म पार्टीको संगठन निर्माण गर्ने, नेपाली विशेषताको समाजवादकाे बहस र अन्तरक्रियाहरु गर्ने, सहकारी पीडित, मिटरब्याजी, लघुवित्त पीडित एवं भ्रष्टचार विरुद्ध सङ्घर्ष गर्ने लगायतका महत्वपूर्ण निर्णयहरु गरेको बताइएको छ ।