२०८२ फाल्गुन ८ गते, शुक्रबार

काठमाडौँ । आज फेब्रुअरी २० अर्थात् सामाजिक न्याय विश्व दिवस । हरेक वर्ष अन्तर्राष्ट्रिय श्रम संगठन (आईएलओ)को तत्वावधानमा यो दिवस मनाइन्छ। यसैक्रममा आज सामाजिक न्याय विश्व दिवस विभिन्न देशमा विविध कार्यक्रम गरी मनाइँदै छ। सन् २००७ नोभेम्बर २६ मा संयुक्त राष्ट्रसंघको महासभाले प्रस्ताव पारित गरेअनुसार सन् २००९ देखि हरेक वर्ष फेब्रुअरी २० मा यो दिवस मनाउने निर्णय भएको हो।
सामाजिक न्याय, समान अवसर, श्रम अधिकार र गरिमायुक्त कामको प्रवर्द्धनका लागि विश्व समुदायलाई एकजुट हुन आह्वान गर्नु यो दिवसको मुख्य उद्देश्य हो।