२०७९ माघ २० गते, शुक्रबार

काठमाडौं । नेपाल प्रहरीको मानव बेचविखन अनुसन्धान ब्यूरोले शुक्रबार काठमाडौंमा पत्रकार सम्मेलन गरी भारतबाट १२ जना महिलालाई उद्दार गरेकाे जानकारी गराएकाे छ । नेपालका विभिन्न नाकाहरूबाट मंसिर र पुस महिनामा भारत पुराई दुबईहुँदै भिजिट भिसामा इथोपियामा बैदेशिक रोजगारीका लागि लैजाने प्रलोभन देखाइ भारतको जयपुरमा राखिएको अवस्थामा ती महिलाहरुलाई उद्धार गरिएकाे व्युरोका निर्देशक प्रहरी वरिष्ठ उपरीक्षक जीवन कुमार श्रेष्ठले जानकारी दिए । उद्दार भइ आएका महिलाहरूमध्ये २०-३० वर्ष उमेर समूहका २ जना,३१-४० वर्ष समूहका ८ र ४१ वर्षमाथिका २ जना रहेका छन्। नेपालबाट भारत लैजाने क्रममा जोगमनी,काकडभित्ता,जमुनाह,सुनौलिलगायतका नाकाहरू प्रयोग हुने गरेको उनले बताए ।